Aksident i rëndë, autobusi i Maqedonisë përmbyset në Serbi

Një aksident i rëndë ka ndodhur sot në rrugën Prokuplje- Bllace në Serbi.
Një autobus nga Maqedonia, i cili ka transportuar udhëtarë drejt Kopaonikut, është përmbysur. Nga aksidenti ka të lënduar. Siç njoftohet, njëri ndër ta ka lëndime më të rënda.

Ekipet serbe të Ndihmës së Shpejtë menjëherë kanë dalë në terren për të transportuar të lënduarit në spitalet më të afërta.

Për momentin nuk dihen shkaqet e aksidentit, ndërsa mësohet se rruga ku ka ndodhur aksidenti është në fazë rikonstruktimi për më shumë se një muaj.