Aeroporti i Shkupit ndërron edhe zyrtarisht emrin

Aeroporti i Shkupit dhe autostrada Tabanovcë deri në pikë kalimin kufitar Bogorodicë nga dita e djeshme edhe zyrtarisht kanë emra të ri, pasi vendimi i qeverisë për riemërimin hyri në Gazetën Zyrtare, raportojnë mediat shqiptare të Maqedonisë.

Aeroporti që deri dje mbante emrin e “Aleksandri i Madh”, tani do të quhet “Aeroporti Ndërkombëtar-Shkup”, kurse autostrada e cila e mbante emrin e njëjtë sikurse aeroporti, tani do të mban emrin “Miqësia”, përcjell albinfo.ch.

Këto ndryshime vijnë pas bisedimeve për emrin për Greqinë, derisa bisedime ndërmjet dy vendeve janë duke vazhduar ende.