Aeroporti i Tiranës zyrtarisht më i madhi në rajon

Foto FB: Tirana International Airport

Aeroporti i Tiranës është zyrtarisht aeroporti me trafikun më të madh të pasagjerëve në të gjithë Ballkanin Perëndimor.

Për herë të parë, në bazë të statistikave të vitit të kaluar, Aeroporti “Nënë Tereza” ia kaloi edhe atij të Beogradit, që e mbante këtë vend prej dekadash.

Në Aeroportin e Tiranës ka 1 mijë e 500 fluturime në javë drejt 107 destinacioneve dhe pritet që të ketë fluturime në drejtim të SHBA-së.

Në renditjen e fundit TIA është aeroporti me rritjen më të lartë në Europë për numrin e pasagjerëve dhe aeroporti i pestë i Ballkanit pas atij të Stambollit, Bukureshtit dhe Athinës, raporton RTSH.

Ndërkohë, për sa i përket aeroporteve të tjera në Ballkan shihet një rritje e pasagjereve edhe ne Aeroportin e Prishtinës, i cili renditet i katërti në rajon pas atyre të Beogradit dhe Zagrebit. Sipas shifrave zyrtare, nga Aeroporti i Prishtinës fluturuan 4,1 milionë pasagjerë gjatë vitit 2024, me një rritje prej 19,2%, e dyta më e larta në rajon pas Tiranës. Nga aeroporti i Shkupit fluturuan mbi 3,1 milionë pasagjerë gjatë vitit të kaluar, me një rritje prej vetëm 1% krahasuar me vitin 2023, përcjell albinfo.ch.

Nga dy aeroportet e Malit të Zi, Podgoricë dhe Tivat fluturuan 2,9 milionë pasagjerë ose 15% më shumë se një vit më parë.