Aeroporti i Prishtinës njofton se trafiku ajror mbetet i bllokuar

Foto: Aeroporti i Prishtinës

Aeroporti Ndërkombëtar i Prishtinës  “Adem Jashari” ka njoftuar se ende janë të ndaluara të gjitha fluturimet deri më 27 qershor 2020, me mundësi ndryshimi në çdo kohë për vazhdim apo largim të ndalesës.

Njoftimi i plotë ANP-së:

Njoftim për udhëtarë,

Sipas njoftimit të ri të autoriteteve relevante shtetërore, ju njoftojmë se trafiku ajror akoma mbetet në gjendjen e njëjtë me ndalesë deri më datë 27 qershor 2020, me mundësi ndryshimi në çdo kohë për vazhdim apo largim të ndalesës.

Qeveria e Kosovës është autoriteti përkatës që vendos për datën e lejimit të të gjitha fluturimeve, si në ardhje, po ashtu edhe në nisje, andaj ju lusim të adresoni pyetjet/kërkesat si dhe shqetësimet tuaja në adresë të tyre dhe jo te ne.