Shqipëria

Aeroplani i vogël nga Zvicra del nga pista në Rinas, por pa pasoja

E martë, 28 Shtator 2021 - 19:53 albinfo.ch

Një avion i vogël, me të cilin udhëtonte një familje nga Zvicra, ka dalë nga pista në aeroportin e Rinasit.

Avion i vogël model Beechcraft, me 4 persona në bord, dy të rritur dhe dy fëmijë, të gjithë shtetas zviceranë, bëri ulje të detyruar në mes të pistës, pasi pësoi një avari në sistemin e rrotave, thuhet në njoftimin e aeroportit të Tiranës, përcjell albinfo.ch.

Pasagjerëve u dha ndihma e parë menjëherë dhe njoftohet se fatmirësisht nuk ka asnjë të lënduar dhe të katërt gëzojnë shëndet të plotë.

TIA njofton se si pasojë e ngjarjes operimet në Aeroportin Ndërkombëtar të Tiranës u pezulluan për 1 orë e 45 minuta, por tashmë fluturimet rifilluan.