Aeroplani i “Swiss” nuk fluturoi, dyshohet për akte kriminale

Të martën, më 31 janar 2017, u angazhuan një numër i madh i specialistëve për zbulimin dhe neutralizimin e pajisjeve shpërthyese të policisë së Gjenevës

Grupi i ashtuquajtur NEDEX ishte në aeroportin e Gjenevës që nga orët e hershme të mëngjesit. Kësaj radhe, grupi në fjalë nuk u lajmërua për neutralizimin e një pakete të dyshimtë të harruar në terminal, siç ndodh zakonisht, por për një aeroplan në pistë të tipit Airbus 319. Fluturimi i kompanisë zvicerane “SWISS”, drejt Mynihut, i planifikuar në 6:10 të mëngjesit, mbeti në tokë pa lëvizur. Me këtë rast të gjithë pasagjerët janë detyruar të largohen nga aeroplani për të fluturuar me një aeroplan tjetër.

Çminuesit dhe zjarrfikësit

I mbetur në vend, aeroplani në fjalë ishte i rrethuar që nga mëngjesi. Shërbimi i sigurimit të aeroportit (SSA) ka dërguar mjetet e intervenimit, çminuesit dhe zjarrfikësit. Po në të njëjtin moment policia dhe Ministria Publike e kantonit ishin të pranishëm.
Çfarë ndodhi në Gjenevë për të shkaktuar një siguri me një nivel kaq të lartë?
“Në ekran të dedikuar për menaxhimin teknik të avionit piloti informohet për presion të reduktuar jonormal, gjë që justifikon ndërprerjen e nisjes dhe kërkimin e ekipit mirëmbajtës”, shpjegon zëdhënësi i aeroportit, Bertrand Stämpfli. Mekanikët në terren, pasi e shqyrtojnë zonën e identifikuar nga kontrolli elektronik, konsiderojnë se “kjo ndërprerje e aeroplanit duket të jetë e çuditshme”.
Menjëherë fillon logjika e “rrezikut të konsiderueshëm”, të “vigjilencës ekstreme”, me fjalë të tjera, prej atij momenti “asnjë element nuk neglizhohet dhe shumë shpejt vendoset për përmasa të nivelit të lartë”, shpjegon zëdhënësi i aeroportit.

Ndezën dy alarme

Sipas hetuesve, ata kanë konstatuar një dëmtim fal ndezjes së dy alarmeve, duke vënë në dukje habinë e tyre në lidhje me gjendjen e hidraulikëve të aeroplanit. Një dëmtim që fsheh një tjetër, për të cilin ka dyshime se është shkaktuar nga dora e një qëllimkeqi. Për këtë, hetimet janë në vazhdim e sipër.