Admir Mehmedi është në formën e tij jetësore

Që nga vera e kaluar, Admiri luan për Bayer Leverkusen-in në bundesligën e parë gjermane, ekip ky që edhe me meritën e tij ka siguruar plasimin për Ligën e Kampionëve

Pas një sezoni të fortë ku tregoi rezultate shumë të mira në ndeshjet për Bayer leverkusen-in dhe për Zvicrën, lojtari i përfaqësueses zvicerane Admir Mehmedi ka të gjitha arsyet të jetë i kënaqur me formën e tij aktuale. Këtë ai edhe e pohon në intervistën që ka zhvilluar me të televizioni zviceran srf dhe që do është emetuar të martën nga ora 22.20 në srf2.
“Sa i përket lojës me San Marinon, është qartë, bëhet fjalë për një ndeshje obligative por edhe ndeshjen Estoninë e shoh me besim (për fitore), transmeton albinfo.ch. Kështu e sheh Admir Mehmedi situatën sa u përket dy ndeshjeve që e presin Zvicrën para kualifikimit të saj për Evropianin 2016.
Që nga vera e kaluar, Admiri luan për Bayer Leverkusen-in në bundesligën e parë gjermane, ekip ky që edhe me meritën e tij ka siguruar plasimin për Ligën e Kampionëve. Në Bayer Leverkusen ai është njohur edhe me sistemin e presionit ekstrem që e ushtron trajneri Roger Schmidt. “Ne në Leverkusen zhvillojmë lojë që ndryshon nga ajo që luhet në kombëtaren e Zvicrës. Por secili trajner ka idetë e tija të veçanta dhe ne duhet t`u përshtatemi atyre”, thotë 24 vjeçari.

Edhe pse loja në skuadrën e tij gjermane është shumë e mundimshme, Mehmedi nuk tregon fare shenja lodhjeje. “Jam në formë shumë të mirë, kam zhvilluar shumë minuta loje dhe deri tash gjithçka ka rrjedhur shumë mirë”, thotë ai dhe tregon se nuk do të ketë vetëkënaqësi edhe me katër pikët (sa i nevojiten Zvicrës pe¨r Evropianin 2016) që duhet t`i fitojë. “Ne duam t`i fitojmë të dyja ndeshjet dhe kështu të sigurojmë pejsëmarrjen në Francë”.

Linku për emisionin:
http://www.srf.ch/sport/fussball/nationalmannschaft/admir-mehmedi-sind-sie-in-der-form-des-lebens