Absolventët me shkolla të larta, në përparësi ndaj atyre me universitet

Vetëm 1% të atyre që kanë mbaruar një shkollë të lartë pedagogjike kanë mbetur pa punë ndërkohë që te të diplomuarit e universiteteve kjo shkallë është 4%

Studentët që zgjedhin të studiojnë në një shkollë të lartë pedagogjike në Zvicër janë në shumë aspekte në përparësi ndaj atyre që kanë studiuar në universitet. Një studim i realizuar në nivel të Zvicrës lidhje me këtë çështje ka ardhur në përfundimin se një vit pas përfundimit të studimeve, vetëm një për qind e atyre që kanë studiuar në shkollat e arta pedagogjike nuk kane mundur të gjejnë punë.

Nga ana tjetër, 4 për qind nga të diplomuarit me master të ndonjë universiteti, një vit pas përfundimit të studimeve kanë qenë ende pa punë.

Dhe, këtu nuk përfundon përparësia për absolventët e shkollave të larta pedagogjike. Ata janë të privilegjuar edhe nga ana financiare. Të diplomuarit nga këto shkolla, kur punojnë me normë të plotë, fitojnë 9000 franga në vit më shumë se kolegët e tyre me master universiteti.

Këto shifra kanë të bëjnë me vitin 2012, vit të cilit i referohet studimi.