A po kthehet koronavirusi në Zvicër?

Zyrtarët zviceranë të shëndetësisë thonë se situata po monitorohet nga afër

Një variant i ri Covid, KP.2, është zbuluar së fundmi dhe aktualisht po përhapet në Shtetet e Bashkuara, përcjell albinfo.ch.

Duket se ka transmetueshmëri më të lartë në krahasim me nënvariantet e mëparshme të Omicron-it.

Kjo në vetvete nuk është befasuese, pasi viruset Covid po evoluojnë dhe po ndryshojnë vazhdimisht.

Megjithatë, zyrtarët zviceranë të shëndetësisë thonë se ky variant i veçantë, deri më sot, nuk është zbuluar në Zvicër.

“Situata po monitorohet nga afër”, theksoi Zyra Federale e Shëndetit Publik (FOPH), duke shtuar se epidemiologët “e konsiderojnë të ulët rrezikun e një vale më të madhe në të ardhmen e afërt. Megjithatë, ende nuk mund të bëhet një vlerësim më i saktë”.

 

 

 

---