A do të ketë bllokim të dytë në Mbretërinë e Bashkuar?

Britania e Madhe është duke shqyrtuar nëse do të vendosë një bllokim të dytë kombëtar, pasi rastet e reja me COVID-19 pothuajse u dyfishuan në 6,000 në ditë, pranimet në spital u rritën dhe nivelet e infeksioneve u rritën nëpër pjesë të Anglisë Veriore dhe Londrës.

Mbretëria e Bashkuar ka raportuar numrin e pestë më të madh të vdekjeve nga COVID-19 në botë, pas Shteteve të Bashkuara, Brazilit, Indisë dhe Meksikës, sipas të dhënave të mbledhura nga Universiteti i Mjekësisë, Johns Hopkins.

I pyetur nëse një bllokim i dytë kombëtar do të ndodhte, sekretari i Shëndetësisë, Matt Hancock, tha se pranimet në spital ishin dyfishuar çdo tetë ditë, por se një vlerësim thelbësor i modeluar nga Zyra për Statistikat Kombëtare (ONS) do të ishte thelbësor.

“Ka prova të niveleve më të larta të infeksionit në Veri-Perëndim dhe Londër”, tha ONS.

Përderisa ato shifra u botuan, Britania imponoi rregullime të reja COVID në North West, Midlands dhe West Yorkshire nga e marta.

I pyetur nga Sky News në lidhje me perspektivën e një bllokimi të dytë kombëtar muajin tjetër, Hancock tha se një bllokim do të ishte një mundësi e fundit.

“Numri i njerëzve në spital dyfishohet çdo tetë ditë apo më shumë… ne do të bëjmë atë që duhet për t’i mbajtur njerëzit të sigurt”, tha Hancock. “Ne i mbajmë këto gjëra nën shqyrtim”.

I pyetur në lidhje me një bllokim të dytë, ai tha: “Unë nuk mund t’ju jap atë përgjigje tani”, shkruan “Reuters”, përcjell albinfo.ch.