Fribourg: Vozit 230 km/orë, i merret patentë shoferi dhe i konfiskohet vetura

Shoferi 27-vjeçar u ndalua nga efektivët dhe iu desh të dorëzonte patentën

Një tjetër “marifet” në rrugët zvicerane. Një shofer 27-vjeçar ‘ra’ në një radar mbrëmjen e së premtes, teksa shpejtoi me 233 km/orë, në vend të 120 km/orë të lejuar, përgjatë autostradës A2 midis Bösingen dhe Freiburg.

I ndaluar nga zyrtarët, i është dashur të dorëzojë patentën e shoferit, ndërsa automjeti është konfiskuar, shkruajnë mediat zvicerane, përcjell albinfo.ch.

Në bazë të rregullave të Via Sicura të pranishme në kodin e qarkullimit rrugor, drejtuesi i mjetit u dërgua në polici, ku i ndihmuar nga një avokat u mor në pyetje. I liruar, ai do të duhet të luftojë me drejtësinë; ai në fakt ishte raportuar në ministrinë publike.

---