Kosova

27 mijë e 249 zarfe të votave me kusht që do të shqyrtohen

E enjte, 18 Shkurt 2021 - 20:40 albinfo.ch

Së fundmi, kryeshefi i Sekretariatit të KQZ-së, Burim Ahmetaj, ka dhënë detaje në lidhje me votat me kusht.

“Nga procesimi i rregullt i materialeve zgjedhore janë 27 mijë e 249 zarfe të votave me kusht dhe pasi të procesohen edhe këto zarfe, atëherë do ta dimë numrin e saktë se sa janë vota me kusht”, ka thënë Burim Ahmetaj gjatë mbledhjes së KQZ-së.

Po ashtu, sipas Ahmetaj, materialet nga 101 vendvotime janë vendosur në karantinë, pasi sipas tij, ka parregullsi.

Ai thotë se shumica e këtyre parregullsive lidhen me votat me kusht dhe në disa raste edhe votat e personave me nevoja të veçanta.

Kryeshefi i Sekretariatit të KQZ-së thotë se raportet janë të orës 12:00 të datës 18 shkurt.

 

 Të ngjashme

Si rekrutohet stafi infermieror nga Kosova, në Bavari

 Të tjera nga Kosova

Hajdari për aktakuzën për rezervat shtetërore: Prokuroria Speciale ka tendencë politike ndaj Qeverisë Kurti

 E-Diaspora

 Jeta në Austri