Kuvendi miraton kërkesën e parë të Qeverisë Kurti, votohet nga 100 deputetë

Keystone EPA/VALDRIN XHEMAJ

Është bërë ditur se me 100 vota për, asnjë kundër dhe asnjë abstenim, deputetët e Kuvendit miratuan kërkesën e Qeverisë së Kosovës për zgjatjen e ndarjeve buxhetore për muajin mars.

Ministri i Financave, Besnik Bislimi, tha se ky vendim duhet të merret për kryerje të obligimeve.

“Bazuar në ligjin për menaxhimin e financave publike dhe përgjegjësitë, neni 24 paragrafi 2. Më lejoni t’ju njoftoj se Ministria e Financave në pajtim me ligjin ka bërë ndarjen buxhetore për dy muaj të vitit 2020 në mënyrë që të mbulohet periudha deri më datën 28 shkurt të vitit 2020, mirëpo vetëm Kuvendi mund të vendosë për zgjatjen e ndarjeve buxhetore edhe për një muaj, përkatësisht deri në fund të marsit”, tha Bislimi.

Kërkesa e tij, u përkrah nga të gjitha grupet parlamentare, përcjell albinfo.ch.