Boksieri kosovar lufton për titull të Zvicrës në peshën 91 kg

Më 14 dhjetor do të luftojë për titull në Zvicër në peshën 91 kg, kurse kundërshtar i tij do të jetë Benoit Huber

Boksieri kosovar që jeton dhe vepron në Zvicër, Seid Xhemaili, më 14 dhjetor do të luftojë për titull në Zvicër në peshën 91 kg, kurse kundërshtar i tij do të jetë Benoit Huber.

Menaxheri i tij, Muharrem Gjocaj, thotë se boksieri i tij po ndihet mirë dhe se pret suksesin e radhës. “Boksieri po përgatitet maksimalisht për këtë duel, ndërkohë që për vikend ai ishte edhe në Itali, ku zhvilluam disa seanca stërvitore. Sipas asaj që pashë, ai ndihet mirë si fizikisht, ashtu edhe psikikisht, kështu që shpresoj shumë se do të fitoj këtë titull”, deklaroi për portalin për sporte luftarake “ArenaRing”, Gjocaj.

Ndryshe, ky duel do të zhvillohet në qytetin e Fribourg “Expoe Centre”. Cekim se boksieri shqiptar deri më tani ka zhvilluar 8 ndeshje në boksin profesionist, prej tyre nuk ka asnjë humbje, kurse kundërshtari i tij ka zhvilluar 7 ndeshje, prej tyre ka vetëm 1 humbje.

---