Nesër nis zyrtarisht fushata zgjedhore

Nesër nis zyrtarisht fushata zgjedhore, e cila do të zgjasë dhjetë ditë, deri më 4 tetor. Pesë tetori është dita para zgjedhjeve të parakohshme 2019, e cila konsiderohet si “heshtje zgjedhore” .

Gjatë fushatës zgjedhore nënkupohet shpalosja e plotë e programit zgjedhor nga secila parti politike, e cila ëshë në garë, përcjell albinfo.ch.

Subjektet garuese gjatë kohë së fushatës duhet të shpalosin planet e tyre në detaje në formë të shkruar, të cilat duhet të jenë publike, pasi kjo është mënyra e vetme për të treguar seriozitetin para votuesve për ofertat e tyre dhe për të dhënë llogari pas zgjedhjeve.

Ndërsa me heshtjen zgjedhore kuptojmë heshtjen e të gjitha partive politike, duke iu ndaluar që të promovohen si para mediave, ashtu edhe para çdo lloj forme tjetër që paraqet promovim. Subjektet garuese, të cilat nuk e repsektojnë heshtjen zgjedhore, mund të gjobiten me shuma deri në 40.000 euro.