Aksident tragjik, zbulohen emrat e 4 grave që humbën jetën

Po ktheheshin nga një ceremoni mortore, por një aksident tragjik u mori jetën

Aksidenti ka ndodhur këtë pasdite në aksin Elbasan- Papër, ku pas përplasjes së tri makinave, 4 jetë janë shuar.

Tashmë janë mësuar dhe emrat e personave që humbën jetën, të gjithë pasagjerë në një makinë të drejtuar nga shtetasi G. Kotorri.

Viktimat janë të katërta gra. Fjala është për 30-vjeçaren J. Kotorri, F. Agolli, 68 vjeçe, L. Hoxha, 58 vjeçe dhe L. Hoxha 55 vjeçe.

Për motive ende të paqarta, makina e tyre është copëtuar nga përplasja në pjesën anësorë të makinës. Si pasojë e impaktit, të katër gratë kanë vdekur.

Si pasojë e këtij aksidenti mjaft të rëndë, edhe dy persona të tjerë mbetën të lënduar, por fatmirësisht jashtë rrezikut për jetën.

Hetuesit kanë nisur tashmë punën për të zbuluar se kush e ka shkaktuar aksidentin e trefishtë. Deri më tani dyshimet janë për një parakalim të gabuar të njërës prej makinave të përfshira në incidentin e rëndë, shkrujanë mediat kosovare, përcjell albinfo.ch.

 

 

---