Kosova

Haradinaj: Merkel i dha dimension tjetër politikës gjermane

E premte, 7 Dhjetor 2018 - 22:10 albinfo.ch

Kryeministri, Ramush Haradinaj, është deklaruar në lidhje me ndryshimin e pozitës së Merkelit dhe pasardhësin e saj.

Haradinaj ka vlerësuar lartë kontributin e Merkelit.

“Lidershipi i Angela Merkel i dha dimension të ri qasjes së politikës gjermane dhe europiane ndaj Kosovës. Për 18 vite sa udhëhoqi me CDU-në, Merkel tregoi guxim e vizion për një Europë te fuqishme ekonomikisht dhe në partneritet strategjik me ShBA-të”, ka shkruar Haradinaj.

Ai ka uruar pasardhësin e Merkelit.

“Lidershipi i saj fuqiplotë i dha Kosovës zë të arsyeshëm për ta mbrojtur sovranitetin dhe rrugën tonë europiane. Pasardhëses Annegret Kramp-Karrenbauer i urojmë sukses për ta vazhduar udhëheqjen e CDU-së”, ka shkruar tutje, Haradinaj.