BMW me qarkullim dhe fitim rekord

E martë, 6 Nëntor 2012 - 16:44 albinfo.ch

Koncerni gjerman i prodhimit të automobilave BMW në tremuajshin e tretë ka shënuar një rritje të madhe të qarkullimit dhe të fitimit, përkundër krizës së industrisë automobilistike në Evropë.

Qarkullimi i këtij koncerni gjatë kësaj periudhe është rritur për plot 14 për qind kryesisht falë rritjes së shitjes në SHBA dhe në Kinë. Ndërsa fitimi është rritur edhe më shumë, gjegjësisht 16 për qind.

Shikuar me shifra, në tremuajshin e tretë të këtij viti, BMW ka realizuar një qarkullim prej afër 19 miliardësh ndërsa fitimi i pastër që ka shënuar gjatë po kësaj periudhe ka qenë 1.3 miliard.

BMW për tre muajt e fundit ka shitur 435 mijë automjete të tipave BMW, Mini dhe Rolls-Royce.

Ky koncern llogarit të shënojë fitim edhe në kuartalin e ardhshëm.

 Të tjera nga

Maqedoni: Rritja e çmimit të energjisë mund të ndikojë në çmimet e produkteve

 E-Diaspora

 Jeta në Austri