Alban Smajlit, çmimi i Universitetit Jenna për filmin më të mirë

Në filmin "On my hand" rrëfehet historia e një familjeje të varfër nga Kosova që ëndërron të emigrojë

Filmi i shkurtër “On my Hand” i studentit shqiptar të historisë së artit, 21 vjeçarit Alban Smajli, ka marrë “çmimin artistik të rektorit”, për vitin 2012 që ndan Universiteti i njohur gjerman Friedrich Schiller, Jena.

Filmi tregon pamje nga Brazili, Gjermania dhe nga Kosova. Fytyrat në këtë film mjegullohen, ndërkohë që nga prapavija rrëfehet historia e një familjeje të varfër nga Kosova. Ëndrra më e madhe e saj është emigrimi në një vend të pasur. Në plan të parë të filmit është përgjegjësia e babait ndaj bashkëshortes dhe të birit.

Për këtë video të punuar në mënyrë bindëse, të plotësuar edhe me dhjetë fotografi të veçanta, Alban Smajli është shpërblyer me çmimin e rektorit për vitin 2012 të Universitetit Friedrich Schiller të Jena-s.

Punimi, i përshkuar nga tone biografike, i studentit të historisë së arteve që bën fjalë për “vendimin ndoshta më të vështirë të prindërve të mi”, siç e thotë ai, ka triumfuar në konkursin me moton “Përgjegjësia”. Konkurrentë ishin edhe 22 punime tjera të studentëve dhe personelit tjetër të universitetit.

Një juri e përbërë nga njëmbëdhjetë anëtarë ka pasur punë të vështirë për të krahasuar filmat me vizatimet e bëra me laps, ose pikturat në vaj me bustet (skulpturat). Pas një diskutimi kontrovers , kjo juri në fund u pajtua që vepra e Smajlit ka qenë punimi më i mirë që kishte konkurruar.

Kjo video mund të shikohet në internet në adresën: www.uni-jena.de/kunstpreis.

Vendin e dytë në këtë konkurs e ka marrë Silva Blaser nga Instituti i Historisë për punimin „Përgjegjësia globale e identifikuar në përeditshmëri. Iwa Antonow ka zënë vendin e tretë me serinë e fotografive të Madonna-ve, njofton Jenna-tv.de.

Tri punimet e para janë nderuar me çmime me vlerë monetare simbolike, gjegjësisht 500, 375 dhe 250 euro, para të dhuruara nga miqtë dhe donatorët e universitetit.

Çmimet solemnisht do të diorëzohen nesër (29 qershor) me ç`rast do të nderohen edhe fituesit.