Mishi “hallall” duhet të deklarohet

Veç detyrimit për deklarim, shteti planifikon që në të ardhmen të shtrenjtojë çmimin e mishit të importuar hallall,

Mishi i kafshëve të therura sipas rregullave islamike “mishi hallall” në të ardhmen në Zvicër duhet t`i nënshtrohet detyrimit të deklarimit se është i tillë. Veç kësaj, shteti planifikon që në të ardhmen të shtrenjtojë çmimin e mishit të importuar hallall, shkruan srf.ch.

Pas Dhomës Nacionale, edhe ajo e Kantoneve (Senati) e ka votuar një iniciativë parlamentare të bërë nga deputeti i CVP-së, Yannick Buttet lidhur me këtë çështje. Miratimi është bërë me 22 vota pro, 9 kundër dhe dy abstenime, transmeton albinfo.ch. Mbi këtë bazë mund të punohet në ndryshimin e ligjit që rregullon këtë fushë.

Siç dihet, mënyra e therjes “hallall” nënkupton që kafshët të theren pa anestezion, metodë kjo që në Zvicër është e ndaluar. Por, nga ana tjetër, importi i mishit hallall, të përfituar në këtë mënyrë, është i lejuar.