Priten njohje të reja nga vendet islamike

Rezoluta për Kosovën e Organizatës së Konferencës Islamike e miratuar ditë më parë, duket se ka hapur rrugën edhe të njohjeve nga kjo konferencë.

Ambasadori i Kosovës në Arabinë Saudite, Rexhep Boja, ka deklaruar se pas kësaj rezolute të OKI-së, normal që priten njohje. Sipas tij ato do të jenë individuale, por jo në afat të shkurtër kohor.

“Kuvajti është ndër vendet që është duke e shqyrtuar mundësinë e njohjes”, ka thënë për Zërin, ambasadori Rexhep Boja.