900 termete goditën Zvicrën gjatë 2018-ës, pak prej tyre u ndien

Zvicra regjistroi më shumë se 900 tërmete në vitin 2018, njoftoi të hënën Zyra Sizmologjike Zvicerane (SED) në Zyrën ETH. Më pak se 3% (25) prej tyre kishin një magnitud prej 2.5 shkallësh ose më shumë, vlera në të cilën tërmetet janë regjistruar nga popullata.

Dy tërmetet më të forta të ndiera në Zvicër ndodhën më 17 janar dhe 1 shkurt në anën austriake të luginës Klosteral. Të dya arritën një magnitudë prej 4.1 në shkallën Richter dhe ata ishin të vetmet që kanë shkaktuar dëme të vogla, duke përfshirë çarje në fasadat e ndërtesave, tha SED në një deklaratë.

Tërmeti më i fortë në Zvicër ndodhi më 23 gusht në Valais, pranë Dents de Morcles, me një madhësi prej 3.2. U dërguan rreth 400 mesazhe në SED nga njerëz që i ndienin tërmetet, përcjell albinfo.ch.

Në përgjithësi, aktiviteti sizmik ishte mesatar në 2018-ën, thekson SED. Tërmetet me pasoja të rënda – regjistrimi i magnitudës 6 ose më shumë – janë një dukuri e rrallë në Zvicër, duke e goditur vendin çdo 50 deri në 150 vjet.