8 mijë franga, një metër katror në Cyrih

Për shtatë vjet çmimet e pasurive të patundshme në Zurich janë rritur. Këtë vit për herë të parë raportohet për rënie çmimi të patundshmërive në qytetin më të madh zviceran.

Këto të dhëna u bënë publike pas analizave të shitjes së ndërtesave të banimit në shtatë vjetët e fundit. Në vitin 2008 një metër katror është shitur mesatarisht deri 5200 franga. Deri në vitin 2014, çmimi është rritur me 60 për qind, mesatarisht 8400 franga për metër katror.

Më të shtrenjta janë çmimet në qytetin e vjetër dhe në zonën periferike të quajtur Zürichberg, ku mesatarisht deri në 12 mijë franga është shitur një metër katror.

Çmimet më të favorshme janë në Langstrasse, në Sihlfeld, në Wipkingen ose Schwamendingen.  Një metër katror kushton vetëm rreth gjysma sa është në lagjet e shtrenjta.

2015 ishte viti i parë në të cilin çmimet e patundshmërisë kanë shënuar rënie përsëri pas një rritjeje shtatëvjeçare, thuhet në njoftimin nga statistikat e qytetit të Cyrihut. Mesatarja aktualisht është 8000 franga për metër katror, raporton SRF, përcjell albinfo.ch.