760 mijë zviceranë jetojnë jashtë Zvicrës

Numri më i madh i këtyre zviceranëve jetojnë në Francë dhe pastaj vijnë për nga numri ata që jetojnë Gjermani dhe në SHBA

Numri i zviceranëve që jetojnë jashtë po shkon çdo vit duke u rritur. Kështu, gjatë vitit që shkoi, jashtë vendit kanë jetuar 760 mijë veta me shtetësi zvicerane ose për 2 për qind më tepër se një vit më parë, që i bie një rritje për 15 mijë, bën të ditur Departamenti Federal për Punë të Jashtme i Zvicrës (EDA).

Po sipas EDA-s, tri të katërtat e zviceranëve «të jashtëm» kanë edhe një shtetësi tjetër, të huaj. Numri më i madh i këtyre zviceranëve jetojnë në Francë dhe pastaj vijnë për nga numri ata që jetojnë Gjermani dhe në SHBA.

Rritja e konsiderueshme e numrit të «zviceranëve të jashtëm» ose diasporës zvicerane shpjegohet me faktin se ka gjithnjë më shumë prej tyre mbajnë nga dy shtetësi. Po ashtu një rol e luan edhe shpërngulja, lindjet dhe natyralizimi.