740 mijë testeve u ka skaduar afati, miliona franga humbje

Testet e PCR-së, të blera pranverën e kaluar nga Qeveria zvicerane si pjesë e një rezervë emergjence, kanë skaduar, duke u kushtuar autoriteteve miliona franga humbje

Më 2020 mbi një milion teste koronavirus u blenë nga farmacia e ushtrisë zvicerane në emër të Zyrës Federale të Shëndetit Publik në shumën prej 16,7 milionë CHF, i tha zëdhënësi i ushtrisë, Stefan Hofer, agjencisë së lajmeve Keystone-SDA, duke konfirmuar një raport i botuar në gazetën “NZZ am Sonntag”.

740,000 teste kaluan datën e skadimit të tyre në mars dhe prill të këtij viti, për një humbje prej gati 14 milionë CHF. Testet PCR kanë një afat të kufizuar të ruajtjes për shkak të përbërësve të tyre kimikë, përcjell albinfo.ch.

Zyra e shëndetit publik vendosi të mbyllë magazinën e farmacisë në janar, sipas Hofer. Ushtria arriti të shesë 300,000 teste nga rezerva emergjente te laboratorët, por vetëm me 10% të çmimit origjinal të blerjes.

Kështu qeveria ishte në gjendje të tërhiqte 3 milionë CHF, njoftoi NZZ am Sonntag. Hofer tha se nuk është marrë asnjë vendim nëse testet e mbetura do të shkatërrohen ose nëse përbërësit individualë mund të përdoren ende.

Si pjesë e menaxhimit të saj të krizës Covid, qeveria i kërkoi farmacisë së ushtrisë të siguronte furnizime mjekësore, të tilla si maska dhe dezinfektues, pasi ajo është njësia e vetme e administratës federale që ka një licencë për blerjen me shumicë të mallrave mjekësore.

 

---