70 % e qytetarëve në Shqipëri mendojnë se gjykatat janë të korruptuara

Gjykatat ndiqen nga institucioni i parlamentit (68 përqind e qytetarëve), prokuroria (67 përqind), doganat (66 përqind) dhe institucionet shëndetësore (61 përqind)

Rreth 70 për qind e qytetarëve në Shqipëri mendojnë se gjykatat janë institucionet më të korruptuara në vend. Kjo është sipas një sondazhi të kryer nga Instituti Shqiptar i Demokracisë dhe Ndërmjetësimit (IDM), përcjell albinfo.ch.

Gjykatat ndiqen nga institucioni i parlamentit (68 përqind e qytetarëve), prokuroria (67 përqind), doganat (66 përqind) dhe institucionet shëndetësore (61 përqind), gjithnjë sipas sondazhit.

Duke iu referuar të dhënave të këtij studimi, rezulton se mediat dhe organizatat joqeveritare janë më pak të korruptuara në Shqipëri.

Redion Qirjazi, përfaqësues i IDM, u tha gazetarëve në një konferencë shtypi se qytetarët në Shqipëri besojnë më pak në policinë e shtetit, sepse treguesi i besimit ka thënë në 52 përqind në 2017, krahasuar me nivelin e 62 përqind në vitin 2016.

Raporti gjithashtu tregoi një tendencë në rritje të qytetarëve që denoncojnë rastet e korrupsionit nga 47 përqind në 2016 në 54 përqind në vitin 2017.