7 policë serbë të dorëhequr, Presidenca e Kosovës fajëson Serbinë

Shtatë policë të rinj serbë janë dorëhequr deri më tani.

Për këtë Presidentja e Kosovës, Vjosa Osmani, e fajëson Beogradin për presion, frikësim e shantazh ndaj tyre.

“Momentin e fundit kur i numërova, numri i dorëheqjeve kishte shkuar në 7. Sipas hetimeve të institucioneve tona, kjo ka ardhur si pasojë e frikësimit e shantazhimit ndaj tyre nga Serbia. Ky shtet fatkeqësisht po vazhdon me agresion të hapur ndaj Kosovës. Po vazhdojnë që me institucionet e veta ilegale në Kosovë t’u bëjnë shantazh qytetarëve serbë, të cilët janë pro integrimit. Veprimet e tilla janë shkelje flagrante të marrëveshjeve të parapara, pres nga BE-ja që të ndërmarrë veprime ndaj Serbisë dhe Vuçiqit për shkeljet e marrëveshjes së Brukselit, por edhe për shkeljet e standardeve ndërkombëtare”, ka thënë Osmani, raporton RTK, përcjell albinfo.ch.