7.5 milionë fr. paga mesatare e shefave të kompanive të mëdha

Pagat e krerëve të kompanive të mëdha zvicerane të cilat janë të radhitura në indeksin e bursës SMI gjatë vitit të kaluar kanë shënuar rritje prej afër 12 për qind. Siç e tregon një studim i publikuar sot i kompanisë konsultative PwC, mesatarja e pagave të shefave të firmave në fjalë ka qenë 7.5 milionë franga.

Ndërsa  te pagat e shefave të kompanive të mesme dhe të vogla, sidomos në krahasimin afatgjatë bie në sy ngritje më e lartë në raport me homologët e tyre të mëdhenj, konstaton studimi. Kështu, nëse shefat e firmave të vogla dhe të mesme kanë fituar 20 për qind më shumë se para 8 viteve, shefat e firmave të mëdha gjatë kësaj periudhe kanë pësuar rënie të të ardhurave të tyre për 8 për qind.

Paga mesatare e shefave të kompanive të mesme gjatë vitit 2014 ka qenë 4.2 milionë franga, që është për një të pestën më shumë se në vitin 2013.