636 armë u konfiskuan për 7 muaj në Kosovë

Në shtatë muajt e parë të vitit, në Kosovë janë konfiskuar 636 armë, si dhe 9,531 pjesë të municionit.

Policia e Kosovës ka bërë të ditur për Klan Kosovën se për vitin 2022 se numri i armëve të konfiskuara është 1,473, ndërkaq numri i municionit është 29,903, përcjell albinfo.ch.

Policia e Kosovës ka bërë të ditur se ka ndërmarr veprime konkrete për parandalim të aktiviteteve të kundërligjshme, qoftë përmes operacioneve policore për konfiskimin e armëve ilegale apo edhe përmes fushatave të ndryshme për vetëdijesim për të gjitha aktivitetet e kundërligjshme që mund të ndikojnë drejtpërsëdrejti apo tërthorazi në rrezikimin e sigurisë së përgjithshme, përfshirë edhe rrezikun nga plumbat nga ajri (plumbat çorr), shkruan KlanKosova.

“Në aspektin e parandalimit përveç policisë duhet luajtur rolin e tyre edhe akterët tjerë të cilët kanë obligime institucionale dhe shoqërore në funksion të vetëdijesimit apo sensibilizimit të shoqërisë lidhur me pasojat që mund të vijnë nga veprimet e kundërligjshme në përgjithësi”, thuhet në njoftim, përcjell albinfo.ch.