Zvicër: Rritje e madhe e numrit të të prekurve nga rriqrat

As një e treta e banorëve të Zvicrës nuk është plotësisht e mbrojtur nga encefaliti. Në Austri, shkalla e vaksinimit është 90%

Viti 2022 po zhvillohet në një “vit të rriqrave” shkruan “SonntagsZeitung”. Këtë vit, deri në fillim të shtatorit, mbi 300 njerëz ishin prekur nga encefaliti i shkaktuar nga rriqrat, transmeton albinfo.ch. Për krahasim: dhjetë vjet më parë kishte më pak se 100 në vit.

Specialisti i rriqrave Norbert Satz është i bindur se kjo mund të ishte shmangur nëse popullata do të ishte vaksinuar. Por as një e treta e banorëve të Zvicrës nuk është plotësisht e mbrojtur nga encefaliti i shkaktuar nga rriqrat.

Shembulli i Austrisë tregon se si shkalla e sëmundjeve mund të ndryshojë me mbulimin e vaksinimit.

Pothuajse 90 për qind të austriakëve janë të vaksinuar nga kjo sëmundje. Si rezultat, praktikisht vetëm turistët e huaj preken nga encefaliti i shkaktuar nga rriqrat.

---