56 komuna zvicerane fshihen nga harta

Nga 1 janari nuk figurojnë më në hartën e Zvicrës 56 komuna. Në 14 vitet e fundit 547 komuna janë zhdukur si pasojë e fuzionimit me komunat e mëdha .

Që nga viti 2000 janë zhdukur  547 komuna zvicerane nga harta . Bashkim në kantonin e Glarus,  tre vjet më parë ishte historik – një model për gjithë Zvicrën . Në atë kohë , 25 komuna janë  fuzionuar në tre komuna kryesore: Glarus Veri , Glarus dhe Glarus Jug.

” Komunat më të vogla shpesh arrijnë kufijtë e tyre , ” thotë Reto Steiner nga Universiteti i Bernës, transmeton SRF.  ” Ato sot  kanë probleme financiare ose nuk mund të gjejnë staf të mjaftueshëm për të zënë pozitën e tyre politike

Gjithnjë e më shumë fuzionohen në qytetet më të mëdha .

Freiburg donte të bashkohej me komunat fqinje Marly dhe Villars-sur-Glâne , me qëllim që të mos zhduket në mes të Bernës dhe Lozanës . Por komunat  e vogla patën frikën nga humbja e të ardhurave nga tatimet .

Në vitin 2000  Zvicra kishte 2899 komunat . prej 1 janarit 2014 figurojnë vetëm  2352, do të thotë janë zhdukur deri tani 547 komuna.

Ndërsa nga viti 1860, kur Zvicra kishte numrin rekord të komunave, gjithsej 3146 numri i tyre ka ardhur vazhdimisht duke u zvogëluar.

Sipas një studimi të realizuar nga Universiteti i Bernës, aktualisht çdo e dyta komunë në Zvicër e shqyrton mundësinë e fuzionit me komuna të tjera.