5 të rinj tregojnë sa bukur mund të pushohet në Kosovë

Nën emrin e përbashkët “Supercampers” pesë djem vendës udhëtojnë nëpër Kosove dhe i dokumentojnë përjetimet e tyre në instagram

Ata e konsiderojnë veten si ambasadorë të vendit të tyre, Kosovës. Nën emrin e përbashkët “Supercampers” pesë djem vendës udhëtojnë nëpër Kosove dhe i dokumentojnë përjetimet e tyre në instagram. Me fotografitë e tyre dëshirojnë ta luftojnë imazhin e keq të vendit të tyre, shkruan 20minuten.ch.

“Ne jemi frymëzuar në radhë të parë nga mrekullitë e natyrës së këtushme dhe donim të tregonim këtë pasuri”, thonë ata, transmeton albinfo.ch.

Vetëm gjatë udhëtimeve që kanë bërë më parë në SHBA dhe nëpër Evropë ata e kanë zbuluar potencialin që ka vendi i tyre i prejardhjes. Prej pesë vitesh Ariani, Taulanti, Leorenti, Adi dhe Kushtrimi udhëtojnë nëpër Kosovë. Veç vendeve tjera ata kanë bujtur në Grykën e Rugovës, në perëndim të vendit për të eksploruar atje ujëvara dhe shpella të shumta.

Në zonën e Malit të Sharrit “supercamper”-et kanë fjetur nën ulërimat e ujqve ndërsa kanë eksploruar edhe ujët e kristaltë në Parkut Nacional të Thethit në Shqipëri.