45% më shumë shkurtime të vendeve të punës në Zvicër

Gjatë vitit 2015 afër 400 ndërmarrje zvicerane kanë bërë shkurtime masive të vendeve të punës, që është për 45 për qind më shumë se në vitin 2014. Kjo konsiderohet të ketë ardhur si pasojë e frangut të forcuar, pas ndryshimit të kursit kundrejt euros, që ishte bërë në fillim të vitit të kaluar.

Lidhur me këtë zhvillim flet një raportim në magazinën televizive “10vor10” të transmetuesit publik të Zvicrës. Gazetarët kanë nxjerrë këtë konstatim pasi qe kanë bërë një anketim nëpër zyrat kantonale të punës.

Këto shifra tregojnë se ndërmarrjet kanë shkurtuar më tepër vende pune në mënyrë që pas tronditjes së shkaktuar nga kursi i frangut, të mund të zbresin shpenzimet.