29% më pak azilkërkues kosovarë gjatë shkurtit

Marrë në përgjithësi, gjatë muajit në fjalë ka pasur një rënie prej 9 % në krahasim me janarin

Sekretariati Federal për Migracion (SEM) ka dalë sot me një komunikatë mbi trendin e kërkesave të azilit gjatë muajit shkurt

Marrë në përgjithësi, gjatë muajit në fjalë ka pasur një rënie prej 9 % në krahasim me janarin, gjegjësisht është 1424 numri i azilkërkuesve të paraqitur në qendrat për pranim në gjithë Zvicrën. Po ashtu edhe në krahasim me muajin shkurt të një viti më parë ka një rënie prej 3 për qind.

Edhe numri i azilkërkuesve nga Kosova gjatë muajit shkurt ka shënuar një rënie të konsiderueshme, për -29%. Kështu përderisa në janar kishte një rritje të theksuar të kërkesave për azil nga Kosova (120 në krahasim me 46 një muaj më parë), në shkurt ka pasur vetëm 79 të tilla.