260.000 fëmijë të varfër në Zvicër

Pasiguria ekonomike prek mbi një çerek milioni të rinj në Zvicër, pohon organizata bamirëse Caritas. Kjo organizatë kërkon që të ndërmerren masat për të luftuar këtë realitet.

Pavarësisht që Zvicra është ndër vendet me nivelin ekonomik më të lartë në botë, ajo ka rreth 260.000 fëmijë të varfër, ose 13.000 klasa shkollore, vlerëson Caritasi. Me që lëvizja shoqërore është shumë e ulët në Zvicër, kjo varfëri edhe trashëgohet në shumë raste, pohon shoqata bamirëse. Kjo dukuri ka implikime për këta fëmijë, të cilët  janë të përjashtuar nga aktivitetet dhe mundësitë e shkollimit në krahasim me bashkëmoshatarët e tyre. Kjo është arsyeja pse Caritas bën thirrje për masa politike dhe administrative.

Kushtet dhe rrethanat e politikës familjare nuk duken të mjaftueshme për reduktimin e varfërisë në Zvicër, ankohet Caritasi. Këta fëmijë janë të përjashtuar dhe nuk kanë të njëjtat mundësi si shokët e tyre me më shumë fat.

Për Caritasin është koha për të luftuar këto mekanizma të përjashtimit. Prandaj, ai iu bën thirrje autoriteteve kantonale dhe komunale për të marrë masat e nevojshme për të siguruar jetesën dhe për të arritur barazinë e mundësive në mes të gjithë fëmijëve. Për shembull, duhet të bëhet diçka për lehtësimin e punës së prindërve dhe për të inkurajuar vendbanimin me çmime më të përballueshme.