23 profesionistë shëndetësor në Gjakovë të infektuar me COVID-19

(KEYSTONE/Salvatore Di Nolfi)

Spitali i Gjakovës ka publikuar raportin 24-orësh ku raportohet për gjendjen e pacientëve që janë duke u trajtuar me COVID-19.

Sipas këtij raporti, gjithsej 57 pacientë të hospitalizuar janë trajtuar për COVID-19, po ashtu siç thuhet në raport gjithsej 30 pacientë janë me oksigjenoterapi, ndërsa pesë janë në CPAP maskë.

Nga stafi i mjekësor në raport thuhet se me COVID-19 janë pesë mjekë, 15 infermierë dhe tre persona nga stafi mbështetës.

Në fund, nga Spitali i Gjakovës në raportin 24-orësh, kanë bërë apel për qytetarët që të respektojnë masat për të parandaluar përhapjen e sëmundjes vdekjeprurëse COVID-19.

Ju rikujtomë qytetarëve të mos e ulin vëmendjen për zbatimin e rregullave dhe masave për të frenuar përhapjen e virusit të rrezikshëm që prek këdo, pa dallim, përcjell albinfo.ch.