21-vjeçari nga Kosova ekstradohet në Britani të Madhe, akuzohet për dy vrasje

@unsplash

21-vjeçari nga Kosova me inicialet L. L., është ekstraduar në Britani të Madhe pasi akuzohet për vrasjen e 15-vjeçarit L. R. dhe 23-vjeçarit K. Sh.

Sipas njoftimit nga policia britanike të dy viktimat vdiqën më 29 qershor 2023 pasi u goditën me thikë në zonën e rrugës “Elthorne” në Londër.

Ai po akuzohet edhe për tentativë vrasje pasi edhe një person tjetër u ther gjatë asaj nate ndërsa për incidentin, katër persona të tjerë janë në paraburgim, transmeton albinfo.ch.

Data e gjykimit është caktuar për 17 mars të vitit 2025.