Kosovari i penduar, 2 vjet e gjysmë burg për terrorizëm

Gjykata e lartë e Landit në Dyseldorf  (Nordrhein Westfallen), ka dënuar me dy vjet e gjysme burg shtetasin kosovar 22 vjeçar me emrin Nezet për terrorizëm, gjegjësisht pjesëmarrje në luftime në anën e IS-it (Shtetit Islamik) në Siri. Trupi gjykues në vendin që ka shpallur sot në Dyseldorf ka kumtuar se është vërtetuar pjesëmarrja e tij në zhvillimet në Siri në kuadrin e IS-it, bën të ditur agjencia gjermane e lajmeve dpa dhe transmetojnë mediet tjera gjermane.

I akuzuari, i cili është nga Mülheim/Ruhr ka pranuar se siç ka thenë ai “ka bërë marrëzi të madhe”. Ai është i lumtur që është sërish në shtëpi, ka thënë ai më tutje. Kosovari ka deklaruar se ndërkohë është distancuar nga IS-i dhe është penduar.

Pas ngurrimit në fillim të procesit gjyqësor ai tashmë ka pranuar pothuajse të gjithë atë për çfarë e ngarkonte akuza, përcjell albinfo.ch mediet gjermane. Po ashtu, siç ka thënë kryetarja e trupit gjykues, i riu me rrënjë nga Kosova ka ofruar informacione lidhur me stërvitjet dhe jetën e përditshme të rekrutëve të IS-it.

Ai nuk kishte planifikuar ndonjë sulm terrorist ë Gjermani.

Në raportimet e mëhershme të medieve gjermane pohohej se kosovari kishte thënë se në Siri kishte shkuar për t`u bërë “hero”. Por më vonë, nën presionin edhe të familjes kishte vendosur të kthehej në Gjermani.d

Ai pas shpalljes së vendimit gjyqësor ka shprehur gëzim për dënimin e lehtë. Madjhe avokati i tij ka deklaruar se denimi ka qenë “i matur dhe i butë”