18 milionë paketa për Krishtlindje

Në vitin 2013 ishin përpunuar 17 milion paketa ndërsa në vitin 2016, 16 milionë sish

Posta e Zvicrës gjatë periudhës para festës së Krishtlindjes ka bërë pranimin dhe dërgimin e 18 milionë paketave. Me arritjen e kësaj shifre, posta për të tretin vit me radhë po e thyen rekordin e vet në ketë drejtim, thuhet në një komunikatë të saj. Në vitin 2013 ishin përpunuar 17 milion paketa ndërsa në vitin 2016, 16 milionë sish, njofton srf.ch.

Për të mundësuar ë paketat me dhurata të Krishtlindjes të arrijnë saktësisht në destinacionin e tyre, nën bredhat e festës, posta gjatë dhjetorit ka bërë përzgjedhjen dhe shpërndarjen e tyre edhe gjatë disa ditëve të pushimit.

Nga ana tjetër, në kohën kur gjithçka duket se është bërë online, postierët zviceranë gjatë këtij fundviti kanë pasur edhe shumë punë me letra, kartolina urimi. Ndërsa gjatë gjithë vitit posta e vendit ka përpunuar dhe shpërndarë gjithsej 2 miliardë letra të ndryshme.