16 turistë belgë festojnë ditëlindjen në Gjirokastër sipas traditave shqiptare

E çuditshme dhe interesante: një grup turistësh nga Belgjika kanë gjetur një mënyrë sa të veçantë, aq edhe origjinale për t’i uruar ditëlindjen një miku të tyre, përcjell albinfo.ch.

Të 16 pjesëtarët e grupit udhëtuan drejt Gjirokastrës dhe, të veshur me kostume popullore shqiptare, festuan përgjatë rrugëve të kalldrëmta. Disa prej turistëve belgë e vizitonin për të disatën herë qytetin e gurtë, duke vlerësuar natyrën e bukur dhe mikpritjen e banorëve.

“Unë e dashuroj kulturën dhe traditën shqiptare. Patëm ditëlindjen e një miku tonë dhe menduam që ta festonim këtu, në këtë qytet të bukur.”

“Ne kemi ardhur këtu si turistë. Një miku ynë ka ditëlindjen dhe menduam të vinim si grup për ta kaluar dhe festuar këtu, në Shqipëri. Moti është i qëndrueshëm, natyra e bukur – kështu që po ia kalojmë shumë mirë.”