142 të mitur, në burg për dëbim

Dymbëdhjetë nga të burgosurit e përmendur sipas organizatës për Mbrojtje të të Drejtave të Njeriut "Terre des Hommes" në Zvicër kanë qëndruar pa shoqërim të të rriturve

(KEYSTONE/Martin Ruetschi)

Në Zvicër, gjatë vitit të kaluar janë mbajtur në burgun për dëbim ose atë përgatitor 142 azilkërkues të moshës së mitur. Këto shifra i ka publikuar organizata e njohur për mbrojtjen e të drejtave të njeriut «Terre des Hommes», duke u mbështetur në të dhënat e nxjerra nga Sekretariati Shtetëror për Migracion, shkruan srf.ch.

Dymbëdhjetë nga të burgosurit e përmendur sipas organizatës në fjalë në Zvicër kanë qëndruar pa shoqërim të të rriturve.

Nga ana tjetër, ligjet zvicerane lejojnë që të miturit të mbahen në burgun për dëbim vetëm pasi të kenë mbushur 15 vjet, transmeton albinfo.ch. Me mbajtjen e tyre synohet të sigurohet që një vendim për dëbim të mund të zbatohet.

Për «Terre des Hommes» çdo fëmijë që mbahet në këtë lloj burgu është një më tepër se që duhet. Sipas saj me këtë veprim Zvicra po shkel Konventën e OKB-së për fëmijët.