128 shtëpi, për 28 Nëntor

Shoqata “Jetimat e Ballkanit” vazhdon të ndihmojë familjet në nevojë

Shoqata “Jetimat e Ballkanit” ka ndihmuar shumë familje në Kosovë, por edhe në Shqipëri dhe vendet e rajonit.

Shqiptarët nga diaspora janë ndër kontribuesit në këtë shoqatë, ku kanë ndihmuar shumë familje.

Halil Kastrati ka njoftuar se për nder të Ditës së Flamurit dhe 10-vjetorit të themelimit të kësaj shoqate, 128 familje do të bëhen me shtëpi, përcjell albinfo.ch.

Çelësat këtyre familjeve do t’u jepet të enjten e ardhshme, më 28 nëntor, në palestrën “Sezai Surroi”.

Kastrati ka ftuar të gjithë të marrin pjesë që kjo ngjarje të jetë sa më madhështore.

---