1000 veta demonstrojnë kundër shkurtimeve në arsim

Federata “Aktion Bildung – Action Education” konstaton se mania e kursimeve që ka kapluar organet federale dhe ato kantonale të arsimit, është duke i groposur bazat e arsimit, edukimit në Zvicër

Studierende demonstrieren gegen Studiengebuehrenerhoehungen und Budgetkuerzungen im Bildungswesen, am Samstag, 24. Maerz 2018, auf dem Bundesplatz in Bern. (KEYSTONE/Anthony Anex)

Rreth 1000 veta, kryesisht të rinj e të reja, kanë demonstruar sot në Bernë mospajtimin e tyre me veprimet e qeverisë federale që çojnë drejt shkurtimeve buxhetore në fushë të arsimit. Me këtë manifestim protestues është kurorëzuar Java e aksionit në favor të arsimit, gjatë së cilës, aksione të ngjashme ishin zhvilluar në qytetet: Bernë, Bazel, Lozanë, Lucern dhe Cyrih, njofton srf.ch.

Federata “Aktion Bildung – Action Education” konstaton se mania e kursimeve që ka kapluar organet federale dhe ato kantonale të arsimit, është duke i groposur bazat e arsimit, edukimit në Zvicër, transmeton albinfo.ch.

Studentët, nxënësit, hulumtuesit shkencorë dhe nëpunësit janë ngopur tashmë me taksat e larta të studimeve, me shkurtimet në arsim dhe uljen e pagave të mësimdhënësve.

Sipas federatës në fjalë dhe demonstruesve, ato që nevojiten janë institucionet e hapura dhe demokratike arsimore. Arsimimi duhet të jetë i qasshëm pa barriera, është thënë nga demonstruesit sot në Bernë.