‪Beyonce dhe Jay-Z sfidojnë adhuruesit‬

Superylli muzikor, Beyonce dhe Jay-Z, po ju ofrojnë fansave mundësinë për të fituar bileta falas për koncertet e tyre për tërë jetën, nëse ata vendosin ta adaptojnë një dietë vegjetariane për një muaj. 

Ylli i hitit “Lemonade” e bëri të ditur këtë sfidë për 123 milionë ndjekësit e saj në Instagram, të enjten mbrëma, me qëllim të mbështetjes së projektit “Greenprint”, i cili i inkurajon njerëzit të ndihmojnë në ruajtjen e mjedisit dhe të ushqehen më shumë me pemë dhe perime.  

Beyonce ka vendosur që mëngjeset e saj tash e tutje të jenë vegjetariane dhe të hënave të mos konsumoj fare mish, derisa Jay-Z ka premtuar se do t’i hajë 2 racione vegjetariane në ditë. 

Projekti është iniciativë e trajnerit personal të Beyonces, Marco Borges, i cili në dhjetorin e kaluar e publikoi librin “The Greenprint” përmes së cilit e shpjegon rëndësinë prapa dietës së tij.

Sipas një studimi të bërë nga gazeta “Science” në qershorin e vitit të kaluar, thuhej se shmangja e konsumimit të mishit në baza ditore, do të ishte mënyra më e mirë për të ndikuar pozitivisht në ruajtjen e planetit. 

Sipas rregullave të sfidës së krijuar nga Beyonce dhe Jay-Z, një adhurues do t’i fitojë dy bileta për koncertet e turneve të yjeve të muzikës, për 30 vjetët e ardhshme.