Zyrtarisht themelohet SwissCham në Maqedoninë e Veriut

Një hap i rëndësishëm për forcimin e partneritetit ekonomik mes Zvicrës dhe Maqedonisë së Veriut

Ambasadori Sommer mori pjesë në ceremoninë zyrtare të themelimit të SwissCham Maqedoni e Veriut, një moment kyç në zhvillimin e bashkëpunimit ekonomik mes dy vendeve, transmeton albinfo.ch.

Me mbi 100 kompani zvicerane që veprojnë tashmë në Maqedoninë e Veriut, SwissCham do të shërbejë si një platformë për të lidhur bizneset, për të inkurajuar partneritetet dhe për të krijuar mundësi të reja për tregti, investime dhe inovacion.

Ambasada e Zvicrës shpreh mbështetjen e saj për këtë iniciativë dhe pret që SwissCham Maqedoni e Veriut të rritet duke forcuar lidhjet ekonomike dhe bashkëpunimin mes dy vendeve.

---