Zyrtari i Cyrihut kërkon t’i heqë nënshtetësinë adoleshentit që goditi me thikë një qytetar

Adoleshenti 15-vjeçar i radikalizuar që goditi me thikë një hebre në Cyrih të shtunën është një shtetas i dyfishtë tuniziano-zviceran. Në një video të postuar në internet, ai pretendoi besnikëri ndaj Shtetit Islamik, përcjell albinfo.ch.

Tani shefi i sigurisë së Cyrihut, Mario Fehr, po bën thirrje që adoleshentit t’i hiqet shtetësia zvicerane.

“Nuk ka vend për terroristët në Zvicër”, tha ai.

Është e mundur që t’i hiqet shtetësia zvicerane një shtetasi të dyfishtë nëse veprimet e tyre janë “të dëmshme dukshëm” për sigurinë e Zvicrës.

Në një rast të tillë, dëbimi i adoleshentit do të ishte një opsion, veçanërisht pasi ekziston një traktat për këtë qëllim midis Zvicrës dhe Tunizisë, tha Fehr.

​