Shkurt.ch
Zvicra sensibilizon Bashkësinë Ndërkombëtare mbi rëndësinë e ujit për paqen dhe sigurinë
“Uji duhet të jetë një instrument i paqes dhe bashkëpunimit”, ka thënë sot ministri i jashtëm i Zvicrës Didier Burkhalter në Nju Jork me rastin e prezantimit të “diplomacisë së kaltër” të Zvicrës. synim i kësaj iniciative është ngritja e shkallës së vëmendjes së bashkësisë ndërkombëtare për temën e ujit, paqes dhe sigurisë

Uji është i domosdoshëm për shëndetin publik, bujqësinë, sigurinë e ushqimit, prodhimin e energjisë dhe për industrinë. Uji pra është një resurs i pazëvendësueshëm për jetën por nuk është burim i pashtershëm. Nëqoftëse shfrytëzimi i ujit do të vazhdojë të rritet me ritmin që është rritur gjatë shekullit të 20-të – nëntëfishim i përdorimit të ujit në krahasim me katërfishimin e numrit të njerëzve në botë, deficiti i ujit në gjithë botën gjatë viteve të ardhshme do të rritet për 40%, thuhet në një komunikatë të EDA-s. Dhe kjo do të ketë pasoja konkrete. Në rast se nuk do të ndërmerret asgjë, përplasjet regjionale që lidhen me mungesën e ujit, si ato në Azinë Qendrore, mund të shndërrohen në konflikte të hapura, shkruan albinfo.ch. Ose, mund të ndodhe që në kryeqytetin e Jemenit, në Sanaa, pas dhjetë viteve të mos ketë më ujë.
Zvicra dëshiron të japë kontributin e saj për ndryshimin e trendit të përmendur. Për këtë arsye ajo në nëntor 2015 së bashku me 14 shtete tjera ka lancuar një panel global për ujin dhe paqen. Paneli është marrë me tri tema kryesore: Financimi i infrastrukturës së ujit, mbrojtja e ujit nga konfliktet e armatorura dhe konflikteve në mes të fushave të veçanta të përdorimit të ujit.
Në Nju Jork, ministri i jashtëm i Zvicrës ka përshëndetur organizimin e këtij aktiviteti mbi rëndësinë e ujit për sigurinë. Ai ka theksuar se Zvicra është e vendosur që ta promovojë në mënyrë aktive ujin si instrument të qëndrueshëm të bashkëpunimit dhe paqes.
Paneli i themeluar në Gjenevë, i cili në pranverën e vitit 2016 është pasuruar përmes një “Grupi miqsh” që i janë bashkuar nga përfaqësues të rreth 40 shteteve, në vitin 2017 do të prezantojë një sërë rekomandimesh.
Të tjera nga Shkurt.ch
E-Diaspora
-
Rrënjët që nuk thahen – Familja Limoni, muze i shpirtit shqiptar Shpendi, Mrika dhe dy vajzat e tyre, Lina e Tana flasin për një mënyrë të të...
-
Presidentja e Kosovës ftohet nga Presidentja e Zvicrës për vizitë shtetërore në Zvicër
-
Liridoni sjell në Zvicër shijen e bukës dhe ëmbëlsirave shqiptare
-
Lorena Kengji: Arti si një mënyrë për të qëndruar e lidhur me veten
-
Promovohen dy libra të krijuesit, Brahim Avdyli
Jeta në Austri
-
Pesë mënyra se si mund të kurseni para kur blini ushqim në Austri Nga pazaret e tregut te programet e besnikërisë së supermarketeve, ka shumë mënyra për t’i bërë...
-
Vjena sheh rritje 30% të rasteve të mbidozës së drogës tek adoleshentët
-
Gjërat që nuk mund t’i mbani në makinën tuaj në Austri
-
Austriakët arritën rekord prej 27.5 milionë udhëtime pushimesh
-
Domethënia e zgjedhjeve të Vjenës për të huajt, sezoni i alergjive dhe ngjarjet kryesore të javës në Austri