Zvicër: Puna nga shtëpia kursen energjinë elektrike

Annie Spratt @anniespratt

Ashtu siç ishte në kohë pandemie, puna nga shtëpia po mendohet të jetë sërish një rrugë e duhur, por kësaj here për kurism të energjisë elektrike, përcjell albinfo.ch.

Kjo është ndër masat e supozuara nga Këshilli Federal për të kursyer gazin dhe energjinë elektrike. Reduktimi i furnizimeve ruse, i kombinuar me shkëputjen nga rrjeti të rreth gjysmës së termocentraleve bërthamore franceze dhe thatësirës që ndërlikon prodhimin e sektorit hidroelektrik zviceran.

Zvicra tashmë po e planifikon këtë për zyrtarët e saj dhe gjithashtu rekomandon që autoritetet kantonale dhe komunale të bëjnë të njëjtat reflektime.

Ani pse për sa u përket kursimeve, perspektiva për të punuar nga shtëpia nuk është më aq tërheqëse për punonjësit: do të thotë të rrisin kostot e tyre të energjisë elektrike dhe ngrohjes në një kohë kur kostot janë në rritje.

Për Carlo Sommaruga, president i Shoqatës së Qiramarrësve Zviceranë, do të ishte “një transferim mbi supet e qytetarëve”, i mundur vetëm “me një kontribut (financiar) për të përballuar kostot shtesë”. Për të mos thënë që tashmë popullsia përballet nga njëra anë me inflacionin e lartë për të gjitha mallrat e konsumit dhe, nga ana tjetër me kërkesën për uljen e ngrohjes.