Zvicra përkrah viktimat e dhunës seksuale në Kosovë

?????????? n??̈??????̈???? “??????????? ? d????̈? s??????? ??̈ k??????? - s????????? ??? p????????” - ??????, ?? ???????? ? ????̈ ??̈? ????̈?.

QKRMT realizoi me sukses Konferencën Ndërkombëtare “Dokumentimi i Dhunës Seksuale në Konflikt – Standardet dhe Praktikat” ku pjesëmarrës nga Kosova, Bosnja, Ukraina, Kolumbia dhe Serbia diskutuan mbi rëndësinë e dokumentimit të dhunës seksuale në konflikt si proces i domosdoshëm për realizimin e së drejtës së të mbijetuarve për qasje në të vërtetën, drejtësi e reparacion.

Gjatë diskutimit u vlerësua puna trevjeçare e QKRMT-së dhe partnerëve QPDG – Qendra për Promovimin e Drejtave të Grave, Medica Kosova dhe Medica Gjakova, në projektin e dokumentimit, përmes të cilit praktika e mirë e krijuar në Kosovë, e përmbledhur në “Manualin e dokumentimit të dhunës seksuale në konflikt”, shërben si shembull i mirë për vende si Ukraina, të cilat aktualisht përballen me dhunën seksuale në konflikt, por edhe për vende të tjera, të cilat kanë dalë nga konflikti.

Zvicra promovon marrëdhëniet e mira fqinjësore, paqen dhe sigurinë në Kosovë dhe në rajon e më gjerë, duke inkurajuar iniciativa të nxitura nga viktimat që synojnë trajtimin e trashëgimisë së konfliktit në Kosovë. Dokumentimi i dhunës seksuale lidhur me konfliktin u jep zë të mbijetuarve dhe kontribuon në të drejtën e tyre për të vërtetën, drejtësi dhe dëmshpërblim.

Jemi të lumtur të mbështesim KRCT – Kosova Rehabilitation Centre for Torture Victims, në organizimin e konferencës ndërkombëtare “Dokumentimi i dhunës seksuale të lidhura me konfliktin – standardet dhe praktikat” dhe shkëmbimin e mësimeve të marra me mysafirët nga Ukraina, Kolumbia, Bosnjë e Hercegovina, Serbia dhe Kosova. /Albinfo.ch

 

---