Zvicra ndan 8.2 milionë euro për sistemin shëndetësor në Kosovë

Ambasadori i Zvicrës në Kosovë Thomas Kolly dhe Ministri i Shëndetësisë Armend Zemaj kanë nënshkruar marrëveshjen e re të bashkëpunimit për t’i bërë shërbimet shëndetësore kualitative më të qasshme për qytetarët e Kosovës, duke ndarë 8.2 milion euro për të mbështetur sektorin shëndetësor.

“Zvicra ka ndarë edhe 8.2 milionë euro të tjera për të forcuar më tej Kujdesin Parësor Shëndetësor gjatë katër viteve të ardhshme dhe për të mbështetur në veçanti pacientët që vuajnë nga sëmundjet kronike në 20 komuna”, thuhet në njoftimin e ambasadës së Zvicrës në Kosovë.

Po ashtu, ministri Zemaj ka falënderuar Zvicrën për ndihmen e vazhduar.

https://www.facebook.com/zemajarmend/posts/3464153190298203

Qeveria zvicerane përmes organizatës AQH projekt në vazhdimësi e mbështet  sistemin shëndetësor në Kosovë dhe marrëveshja e sotme është në vijimësi të kësaj mbështetje.